جیتھاں سبھ لوگ نویں سال دی تیاراں اچ لگے ھن اگلے سال دی پلاننگ اچ مصرف ھن نویں سال 2018 دے بجٹ مختص کریندے پئن کتنے لوگ رکھنڑن کتنے فارغ کرنے ، کتنا فائدہ تھیا کتنانقصان ۔۔۔پچھلے سال انڈسٹری کیتھاں ھائی تے اج کتھاں ھے ؟ ٹارگٹ پورے تھئن یا جیب اچوں پیسے لاونڑیں پئن ۔۔۔ پچھلے سال صرف 2 کروڑ دا منافع تھئے تنخواہواں کڈھ تے۔۔۔۔دیوالیا نکل گئے ۔۔۔۔ اے سبھ گالھیں وڈے لوگاں دیاں ھن جنہاں دا 2 کروڑ منافع کما تے وی دیوالیا نکل گئے تے غریب کیتھاں گئے ہوسن؟ پلاننگ چھوٹی عید توں ھک مہینے پہلے شروع تھئی گئی ھائی ۔۔۔۔ تے سال دے آخیر تک انڈسٹری کوں ہوشیاری آسی تے ول کم کار دی چکی چلاون دی کوشش کریسن۔۔۔ انہاں سبھ معاملات کو ڈیکھدے غریب چھوٹی عید توں پہلے ہی ڈھیڈ تے کپڑے بدھ گھیدا ھانیں ۔۔۔۔چھوٹی عید تے بالاں کو آکھیا کہ وڈی عید تے کپڑے گھینسوں ۔۔۔ایں سال وی پچھلے سال والے پا گھینو ۔۔۔ھک ڈو واری تاں پاتے ھن کپڑے۔۔۔؟ ڈو مہینے بعد ۔۔۔کیا قربانی کریسو۔۔۔۔غریب آہ بھر تے آکھیدن ۔۔۔پتر قربانی اساں غریباں تے لازم کینی اساں روٹی ٹکر پورا کر گھینوں اے کافی ھِ ۔۔۔۔۔۔اتنے اچ آواز آندی ھِ ابا اساں کوں گھر بیٹھے 4مہینے تھیون والے ھن ۔۔۔چھوٹی عید تے سکول چھوڑا ھا ۔۔۔۔وڈی عید وی نکل گئی ۔۔۔۔محرم وی ٹُر گئیا ۔۔۔۔اساں سکول کڈھن ویسوں۔۔۔۔؟ کوئی سفید پوش نی جانڑداں کیونکہ سبھ انڈسٹری دے چلن تے منحصر ہے نا انڈسٹری چلسی تے نا گھراں دے فاقے ختم تھیسی۔۔۔۔اُو سبھ ھک لا تے بیٹھے ھن ۔۔۔پہلے چھوٹی عید۔۔۔ول وڈی ۔۔۔ایندے بعد محرم۔۔۔۔ھن انگریزی سال ختم تھیون تے ھِ سبھ ایں سال وی نویں سال نال چنگیاں امیداں لا تے بیٹھے تے چنگے وقت دے منتظر ھن لیکن او چنگا وقت کتھیں امیراں دی جیباں ، بینکاں دی تجوریاں اچ رلدا ودے۔۔۔۔پتہ نی کتنے امیر اپنڑیں کروڑاں روپے دا راز سینے اچ گھن تے مر ویندن کہیں کوں پتہ کینی کہ کیھڑا بینک ھا ۔۔۔کیھڑی تجوری ھائی ۔۔۔۔سبھ ختم۔۔۔ انسانیت دا احساس نا کرن والے وی خاک دی ڈھیر مٹی تلے خاک تھئی ویندن ۔۔۔پیسہ ۔۔۔اگر بینکاں اچ رہ گئیا تے مقررہ وقت تک انتظار دے بعد بندر بانٹ تھیندی ھِ او پیسہ دوبارہ مارکیٹ اچ آندے لیکن قرض دی صورت اچ تے قرض ایجہی لعنت ھِ کہ جانڑدے ہووے وے مجبور تے بے بس انسان تجارت واسطے، زراعت واسطے قرض گھیندے لیکن ! سود دی رقم کوں تسلیم کریندے جو کہ در حقیقت اساڈے دین اچ حرام ھِ سود ڈیون تے گھن والے تے سخت عذاب ھِ چلدا پئے سبھ ۔۔۔بینک آباد و شاد ھن ۔۔۔فیکٹریاں انڈسٹریاں ۔۔۔۔دے او مالکان جو پوری زندگی کماو تے کٹھا کرو پالیسی تے چلدے رہے اُو ٹر ویندن تے انہاں دے پیسے بینکاں رُل ویندن۔۔۔ سود دے قرض گھن تے اے دعا کرن کہ یا اللہ میڈے کم اچ برکت ڈے ۔۔۔اے بلا مقصد ہے۔۔۔کیونکہ جو شہ میڈے سوہنڑیں محبوب کوں پسند کینی اُو رب العزت کوں کیویںپسند ھِ؟ اے گویا ایویں کہ میں آکھاں کہ میں حرام وی کھاساں تے حرام اچ برکت دی دعا وی منگساں ۔۔۔کہ یا اللہ اضافہ فرما! ۔۔۔ فرضی مسلمان رہ گئے ھیں ۔۔۔تے سود دی لعنت اساکوں کھا گئی ھِ ۔۔۔۔ہر چھوٹی فیکٹری کمپنی یا ادارے کریڈٹ کارڈ رکھیندے ۔۔بینکاں توں قرض سود تے قرض گھیندے ۔۔۔جیکوں ۔۔۔مہذب دور اچ میکرو فنانسنگ دا ناں ڈے تے فیشن بنڑاں گھیدے سبھ جانڑدن کہ سود دے نال کاروبار چلدا پئے ۔۔۔تے چلے پیا اساڈے گھر اچ تھوڑ نا آؤے ۔۔۔۔ قرض گر قرض حسنہ ہووے تاں فلاں اگر قرض سود تے ہووے تے عذاب ھِ تے اے لازم کینی کہ ایندا ازالہ تساڈی ذات توں نکلے اے تساڈے بالاں توں نکلدے ۔۔۔۔ ساری زندگی سود بھرا کھادا کمایا تے بالاں تے لاتا ۔۔۔اولاد ۔۔۔نا تھئی ۔۔۔۔یا اولاد تھئی تاں ۔۔۔بصارت توں محروم ۔۔۔یا ذھنی توازن خراب ۔۔۔۔یا کہیں قسم دے مرض اچ پورا گھر آ گیئا ۔۔۔۔اے او چند چیزاں ھن جو انہاں لوگاں دی اولاد توں نکلدن جو قرض سود تے گھن تے کم کار شروع کریندن تے اپنڑیں بالاں کوں سود دی رقم نال تھیون والا منافع کمیندن۔کجھ کمپنیاں ایہو جئیاں ھن جو ۔۔۔منافع کما کما تے اتنی رقم بینک اچ جمع کروا ڈیندن جیندا منافع ملے ۔۔۔جو فکس رقم ہوندی ھِ جیویں کہ ھک کروڑ روپے رکھن تے 15 توں 25 ہزار ہر مہینے ملدے۔۔۔تے ھک بندے دی تنخواہ نکلدی ھِ او بندہ نوکری تے رکھ گھیندن تے انہاں کوں بینک توں ملن والا منافع جوکہ سود دی رقم توں ادا تھیندے اوندے نال تنخواہ ادا کیتی ویندی ھِ ۔۔۔تے خوشحالی کیویں آسی؟ اساڈا سوہنڑاں ملک اسلامی ریاست ھِ ایندے بنیادی اصول اساڈے دین دی سلامتی تے چنگائی دی خاطر رکھے گئے ۔۔ھک اسلامی ریاست اچ جئیں ویلے سود دی لعنت آ ویندی ھِ تاں اوندا ازالہ سبھ دی ذات توں نکلدے۔۔۔۔پاکستان بیرونی قرضیاں دی مد اچ مقروض ھِ تے مقرض کرن والے کون ھن؟ بزنس مین جو اپنڑیں چہریاں تے نقاب لا تے ۔۔۔کہیں ویلے سیاست دان ۔۔۔کہیں ویلے محسن ۔۔۔تے کہیں ویلے اپنڑیں بن تے سامنڑیں آندن تے ۔۔۔۔تے ملک دے ناں تے قرضہ گھن تے اپنڑیاں تجوریاں بھریندے تے کاروبار کریندن بس سلسلہ چلدا پئے چلن ڈیو ۔۔۔۔ ہر شہ 2017دے سال دی آخیر اچ برائے فروخت ھِ ۔۔۔۔غریب ۔۔اپنڑی غربت دے ہتھ مجبور تھئی تے او کم کریندے پئن جو انہاں پوری زندگی نی کیتے۔۔۔۔تعلیم یافتہ نوجوان سارا ڈنہیں نوکری واسطے جوتیاں گساون دے بعد گلی دے کہیں کونے تے سر تلے کر تے گھنٹے تک سوچیندے رھاندن کیا کریسوں؟ والدین جئیں ویلے تک ہمت ھائی انہاں وڈا کیتا ایں قابل بنڑاں ڈیتا کہ ونجو کم لبھو تے باعزت روزگار کماو لیکن باعزت روزگار ھِ کیتھاں تے کون ڈیسی؟ ایتھاں تاں پاکستان پورا دا پورا سود دے جال اچ پھنسا پئے ہر جمن والا بال مقروض ۔۔۔ہر سرکاری ادارہ مقروض ۔۔۔ہر کمپنی مقروض ۔۔۔۔بس چلدا پئے ۔۔۔۔بیا ء قرض گھینو ۔۔۔تاکہ پچھلا قرض لہہ سکے۔۔۔۔اگلے سال ڈیکھسوں اے اگلا سال نا آسی تے نا ہی کوئی ڈیکھ سکدے۔۔۔کیونکہ اگلے سال اے بیمار تھئی تے بیرون ملک علاج کرواون واسطے نکل ویندن کیا پاکستان اچ کوئی ایہو جئیا اسپتال کینی کہ جیتھاں انہاں دا علاج ممکن ہووے؟ اگر اے پاکستان اچ اسپتالاں دے نظام توں مطمئن کینی تاں پاکستان دے ہر شہری دی زندگی دا تے لاون دا کیا جواز بنڑدے؟ ۔۔۔ریاست دا کم ہوندے روزگار مہیا کرن ۔۔۔۔ انڈسٹریل زون کوں ریلیف ڈیون ریاست تاں صرف مال کٹھا کر تے بھجن دے رستے لبھیندی رہاندی ھِ تے انڈسٹریل ایریا زبوں حالی دا شکار رہاندے نا سڑکاں ۔۔۔نا سہولتاں ۔۔۔نالے دا پانڑیں ۔۔۔پاکستان دی ریڑھ دی ہڈی کراچی ۔۔۔جو غریباں دی ماں ھِ اوندے انڈسٹریل ایریا دا حال تاں ڈیکھو ۔۔۔پتہ لگ ویسی ۔۔۔کہ کیا تھیندا پئے ۔۔۔کراچی اچ سڑکاں ۔۔۔کنڈرات دا عکس ڈیندن۔۔۔جا جا تے کھڈے ۔۔۔۔گٹر کھلے ۔۔۔ہر غریب کوں روز دعوت ڈیندن کہ آو ڈوب تے مر ونجو۔۔۔لیکن روزگار کینی۔۔۔۔ ھک غریب فرد ریاست کوں کیا ڈیندے؟ ھک ڈنہیں دے اچ سویرے اٹھدے پتی گھیندے ، چینی گھیندے ، پاپے گھیندے بالاں واسطے کھیر گھیندے ۔۔۔روزگار لبھن واسطے پیٹرول موٹر سائکل اچ پوویندے۔۔۔بجلی ۔۔۔گیس ۔۔۔۔تے موبائل تے لوڈ ۔۔۔۔انہاں سبھ معاملات تے ٹیکس ادا کریندے ۔۔۔۔ریاست آکھیندی ھِ کہ ٹیکس غریب تے کینی غریب خوشحال ھِ اساں ٹیکس انڈسٹری تے لاندے ہیں تے ریاست اچ بیٹھے اعلی احکام اتنے نا سمجھ تے بھولے ھن کہ انہاں کوں کوئی اے نی ڈسیندا کہ جو ٹیکس انڈسٹری تے لایا ویندے او ٹیکس ڈائریکٹ غریباں تے لگدے۔۔۔۔جیندی زندہ مثال گزشتہ سالاں اچ پیٹرولیم مصنوعات تے خام تیل دی انٹرنیشنل مارکیٹ اچ قیمت دا ڈھہ ونجن ھا ۔۔۔۔
پوری دنیا نے پیٹرولیم دی قیمتاں گھٹا ڈیتیاں لیکن اساڈے ملک اچ ریاست تے قابض چند مفاد پرست لوگاں نے کہیں ادارے کوں اے کرن دا حکم نا ڈیتا ۔۔۔ انٹرنیشنل مارکیٹ دے حساب نال پیٹرل 25روپے توں 35 روپے لیٹر دے درمیان قیمت ہووے ھا لیکن افسوس ۔۔۔ایں دوراں وی ٹیکس لا تے پیٹرول کوں65 روپے توں 75روپے تک سو فیصد منافع نال ویچا گئیا ۔۔۔۔بجلی دے بل اچ جبری ٹیکس ٹی وی ۔۔۔ہر گھر توں وصول کیتا گئیا بیشک انہاں دے گھر ٹی وی ہووے یا ناں او ٹیکس ڈیسی۔۔۔۔پانڑی دا بل ۔۔۔بیشک گھر اچ پانڑی میٹھا آندا ہووے یا نا آندا ہووے اوں نے بل ادا کرنے ۔۔۔قرض لہاو ۔۔۔قرض لھاونڑیں پاکستان کوں مزید مقروض نی کرنا ۔۔۔قرض کون لھیسی؟ اے غریب۔۔۔۔۔اے غریب کیں کم دے ھن ٹیکس ودھا ڈیو بجلی تے ۔۔۔گیس تے ۔۔۔ٹیلی کام انڈسٹری تے ۔۔۔۔فیکٹریاں تے ۔۔۔تے اے کیا سمجھدن کہ ٹیکس ڈائریکٹ لگے یا ان ڈائریکٹ او غریب ریاست اچ رھاون والے عام دی ذات توں نی نکلدا ؟ھک ھک روپیہ صرف غریب ادا کریندے ۔۔۔اے بھل ونجو کہ او انڈسٹری دا مالک ادا کریندے ۔۔۔انڈسٹری دے مالکان تاں صرف ڈاکیا ہوندن۔۔۔جو رقم کلیکشن تے وی منافع گھیندن ۔۔۔تے او منافع وی کھا ویندن کہیں غریب تے نی لائیندے۔۔۔غرض اے کہ جو ٹیکس ریاست اے سمجھ تے لائیندی ھِ کہ اے انڈسٹری تے ھِ تے معذرت نال او انڈسٹری او ٹیکس ڈائریکٹ غریباں توں وصول کریندی ھِ منہ دھوون دے صابن توں گھن تے زندگی گزارن واسطے جو اشیاء خریدیاں ویندن انہاں سبھ تے ٹیکس ادا تھیندے ۔۔۔ایندے بعد وہ اساڈا ملک مقروض ہووے تاں سمجھ توں باہر ھِ ۔۔۔۔ھک انسان اپنڑی زندگی دے 50 سال ٹیکس ادا کر کر تے مر ویندے لیکن اوندی اولاد تاں اولاد اوں کوں سہولت ناں دی کوئی شہ تک نی ڈیتی ویندی ۔۔۔کیتھاں ھِ سینئر سٹیزن تے کم کرون والے ادارے ۔۔۔بزرگ گلیاں اچ مر ویندن ۔۔۔کیتھاں ھن او ادارے جو انہاں دی مدد کرن ۔۔۔کیتھاں ھن او ادارے جو انہاں دا وظیفہ مقرر کرن تاکہ او ساری زندگی ٹیکس ادا کرن دے بعد کجھ سال آرام نال گزار سکن۔۔۔۔ افسوس تھیندے ووٹ گھنڑیں ہوون تاں سارے ہتھ وچھا ۔۔۔اکھیں وچھا تے بہہ ویندن جئیں ویلے گالھ بالاں دے مستقبل دی ہووے تے سبھ کنڈھ ڈیکھا ویندن۔۔۔غریباں دا کوئی ہمدرد مسیحا جو واقعی ھِ مسیحا ہووے جئیں نے انہاں دی خاطر کجھ کیتا ہووے ؟ دور تک نظر نی آندا سبھ آئے اپنڑیں مفادات دی خاطر کم کیتا ۔۔۔اداریاں کوں مزید مقروض کیتا تے ٹُر گئے ۔۔۔ہر وڈے دعویاں نال آون والےلیڈران ۔۔اساڈے ملک کوں مزید مقروض کر تے ٹر ویندن۔۔۔۔تے اپنڑاں الو سیدھا کر ویندن اپنڑاں الو کیویں سیدھا کر ویندن؟ او اپنڑی کرسی ۔۔۔اپنڑیں عہدے توں پاکستان اچ فزبلیٹی بنڑیندن کہ اے کم کروں ایتھاں اساڈی فیکٹری دا اے سامان ویک ویسی ۔۔۔اساڈے اتنے لوگ بن ویسن ۔۔۔یقین منو ۔۔۔ایویں تھئے ۔۔۔موٹرووے ہووے میٹرو پراجیکٹ ہووے یا ہائی وے ہوے ۔۔۔سبھ نے انہاں دے خانداناں تاں خانداناں انہاں دے بالاں دے دوستاں دے خانداناں کوں وی بنڑاں ڈیتے۔۔۔۔ صرف کیا او وزیر اعظم دے بھتریجے دا یار ھا ۔۔۔۔او فلاں بن فلاں دے نال رابطے اچ ھا۔۔۔۔اگر ایتھاں اے آکھا ونجے کہ اندھا ونڈے ریوڑیاں ول ول اپڑیاں کوں تاں کجھ غلط نا ہوسی۔۔۔۔کیونکہ غریب اج وی محنت مزدوری کریندے تے ٹیکس ہر سا دے نال ادا کریندے تے غریب اگر ایں ملک اچ زندہ ھِ تاں صرف اپنڑی محنت دے وجہہ توں ۔۔۔کیونکہ سبھ محنت دے کم غریباں دے ٻبغیر ممکن کینی ۔۔۔ چاہے او تعمیراتی کم ہوون ۔۔۔یا ۔۔۔مزدوری ہووے ۔۔۔ایں سبھ کماں اچ غریباں دے بال ایندھن بنڑدن کیونکہ مسلسل کجھ شہاراں کوں نظر انداز ایں واسطے کیتا ویندے کہ ایتھاں دی نوجوان نسل انگوٹھا چھاپ بنڑے۔۔۔تے او مزدوری کرے تے اساڈی فیکٹریاں دا ایندھن بنڑے۔۔۔۔ ٹیکس ادا کرن والے غریب ۔۔۔ملک دی تعمیر و ترقی ۔۔۔زراعت اچ محنت خون پسینہ لاون والے وی غریب ۔۔۔۔ بس غریب ہر نویں سال دے انتظار ا چ ایہو آس لائیندن اللہ کریسی نواں سال چنگا ہوسی۔۔۔تے اے نواں سال دی آس کئی سالاں توں چلدی آندی ھِ ول الیکشن تھیسن کجھ لوگ ہر محلے ۔۔شہاراں توں خریدے ویسن او نعرے لائیسن تے او کجھ مجبور بے بس لوگاں کوں لبھ تے جلسے جلوساں ریلیاں دا ایندن بنڑیسن ۔۔۔ووٹ خریدے ویسن ۔۔۔کہیں کوں ووٹ دے بدلے آٹا ملسی کہیں کوں گھیو ملسی ۔۔۔کہیں کوں ڈو ھزا رملسن ۔۔۔کہیں کوں پنجھ ہزار ۔۔۔بزنس مین انویسٹمنٹ کر تے ول ریاست تے قابض تھئی ویسن۔۔۔ ایندے بعد ول اے سلسلہ چل ویسی ۔۔۔۔۔ سب راز دیاں فائلاں دفتراں دے کمرے دی زینت بنڑسن تے آخیر انجام ایہو ہوسی کہ ریکارڈ کوں بھا لا ڈیتی کہیں نے ۔۔۔ نا رھاسی سانپ نا وجسی بانسری۔۔۔۔جئیں ویلے ریکارڈ ختم تے سبھ ختم تھئی گئیا ول سب نیٹ اینڈ کلین ۔۔۔۔
غریب کوں کا احتیاطی تدابیر استعمال کرنے چاھیدن۔۔۔؟ جیویں کے سبھ جانڑدے وے کہ غریب اُو طاقت ھن جو اگر بہہ ونجن تاں سبھ ٹھپ۔۔۔کوئی ترقیاتی کم ممکن کینی ۔۔۔ کیونکہ انہاں کماں دی تکمیل واسطے غریب مزدور، مستری ، الیکٹریشن ، چوکیدار ۔۔۔ چاھیدے ھن تے جئیں ویلے غریب نا ہوسن تاں اے سارا طبقہ خود تغاری چاون توں تاں رھیا ۔۔۔سبھ لائن تے آ ویسن۔۔۔ جئیں ویلے ہر بندہ سیاست کرینداں پئے تے غریباں کوں تھوڑی عقل مندی ثابت کرنی چاھیدی ھِ غریب نا کہیں دے حق تے ڈکیتی مریندے نا کہیں نال ذیادتی کریندے لیکن غریب توں کوئی جبری طور تے مشقت نی کروا سکدا اگر اجرت 25000 روپے بنڑدی ھِ تے 12ہزار اچ 16گھنٹے انڈسٹری کم کرواوے اے افسوس ناک ھِ ۔۔۔۔غریب بیشک تعداد اچ زیادہ ھن ۔۔۔لیکن اے ممکن ھِ کہ غریب چاھوون تاں امیراں کوں پال سکدن۔۔۔لیکن امیر چاھوون وی تاں غریباں کوں نی پال سکدے۔۔۔کیونکہ انہاں صرف غریباں دی کھٹی کھاون سیکھے ۔۔۔ ایں سال دی آخیر تک بہوں نوجوان ایہو جئے نظر آندے پئن جو اپنڑیں مستقبل دی سوچ رکھیندن تے اے خوش آئند ھِ سوچ رکھنڑی وی چاھیدی ھِ جئیں انسان کول اپنڑی سوچ کینی او جانور توں وی بدتر ھِ اپنڑیں بہتر مستقبل دی سوچ ہر غریب کوں رکھنڑی چاھیدی ھِ تے آپس اچ اتحاد محبت ملنساری پیدا کرنی چاھیدی ھِ اے واحد ذریعے ھِ جیندے نال ہر غریب برسروزگار تھئی سکدے۔۔۔انہاں چیزاں دا استعمال گھٹ کر ڈیو جئیں چیزاں تے 35فیصد توں ودھ ٹیکس وصول کیتا ویندا پئے جیویں کہ ٹیلی کام انڈسٹری ایں ویلے سونے دی چیڑی ھِ جئیں توں وصول تھیون والا ٹیکس تقریبا 35 فیصد ھِ اگر تساں سو روپے دا لوڈ کرویسی تاں ملسی 65 روپے ۔۔ایڈوانس ۔۔۔بیلنس چیک کرن۔۔۔رنگ ٹون لاون ۔۔۔نیٹ استعمال کرن سبھ تے ٹیکس ادا کرنا ہوندے ۔ ایہو جئیا چیزاں دا متبادلہ رستہ اختیار کرو ۔۔۔آخیر اچ اتنا لکھیساں ۔۔۔کہ غریباں دے اپنڑیں ہتھ اچ ھِ کہ بنڑن تاں بن ونجن کوئی بیاء انہاں واسطے کجھ نا کریسی اپنڑیں بالاں کوں لازم تعلیم ڈیو۔۔۔۔اپنڑیں کم کار شروع کرو ۔۔۔۔تاکہ معاشرے اچ بہترین زندگی گزارو۔۔۔ووٹ فروخت نا کرو ۔۔۔جئیں نال ضمیر مطمئن ہووے اوں شخص کو منتخب کرو ۔۔۔۔سبھ توں ودھ اے کہ اپنڑے سینے دے اچ ہر غریب مسلمان بھیرا واسطے درد رکھو تے انہاں دی ہر ممکن مدد دی کوشش کرو ۔۔۔ لازمی نی مدد لکھاں روپے دی ہووے ھک ڈنہوار اگر 20روپے وی ھک پاسے رکھیسو۔۔۔او مہینے دی آخیر اچ 600 روپے بن ویسن تے اُو رقم کہیں غریب مستحق بھیرا دی مدد واسطے استعمال کرولیکن کہیں کوں خیرات دا عادی نا بنڑاو ۔۔۔کہ او گھر بہہ ونجے ۔۔۔کم داعادی رکھو ۔۔۔تاکہ او کم کرے باہر نکلے ۔۔۔کوئی معجزہ ممکن کینی ۔۔۔کوئی مسیحا نی آونڑاں جو غریباں دی فلاح یا مدد کرے ۔۔۔غریب صرف اپنڑی مدد آپ کر سکدے ایندے علاوہ کوئی مدد قابل کینی سوائے اوں پاک ذات دے ۔۔۔ میڈا رب العزت سبھ بھیراں کوں اپنڑیں حفظ و امان اچ رکھے تے حلال رزق عطا فرماوے۔ مسلمان آپس اچ بھیرا ھن تے بطور مسلمان ہوون دے بنیادی اصولاں کوں لازمی یاد رکھنڑاں چاھیدا ھِ اساں مسلمان ھیں ایں واسطے اساں تے زیادہ ذمہ داری ھِ کہ اساں ھک ڈوجہے دی مشکل اچ ھک ڈوجہے دے کم آون ۔۔۔ بلا مطلب بلا رنگ ۔۔۔و تفریق ۔۔۔۔ اللہ پاک اساں کوں نیک رستے تے چلدے رھاون دی ہمت ڈیووے تے چنگی سوچ ھی ہمیشہ چنگے انسان دے دل زندہ کریندی ھِ ۔۔۔ادارہ اساں سرائیکی ویلفیئر آرگنائزیشن غریب مستحق و نادار لوگاں دے بہتر مستقبل دی خاطر جدوجہد کرینداں پئے ادارہ دے نال اپنڑی ذات رجسٹرڈ کرواو جتنے زیادہ بھیرا ھک تھیسوں اتنا جلدی مستحق بھیراواں دی مدد کرن لگ ویسوں۔
غریب کوں کا احتیاطی تدابیر استعمال کرنے چاھیدن۔۔۔؟ جیویں کے سبھ جانڑدے وے کہ غریب اُو طاقت ھن جو اگر بہہ ونجن تاں سبھ ٹھپ۔۔۔کوئی ترقیاتی کم ممکن کینی ۔۔۔ کیونکہ انہاں کماں دی تکمیل واسطے غریب مزدور، مستری ، الیکٹریشن ، چوکیدار ۔۔۔ چاھیدے ھن تے جئیں ویلے غریب نا ہوسن تاں اے سارا طبقہ خود تغاری چاون توں تاں رھیا ۔۔۔سبھ لائن تے آ ویسن۔۔۔ جئیں ویلے ہر بندہ سیاست کرینداں پئے تے غریباں کوں تھوڑی عقل مندی ثابت کرنی چاھیدی ھِ غریب نا کہیں دے حق تے ڈکیتی مریندے نا کہیں نال ذیادتی کریندے لیکن غریب توں کوئی جبری طور تے مشقت نی کروا سکدا اگر اجرت 25000 روپے بنڑدی ھِ تے 12ہزار اچ 16گھنٹے انڈسٹری کم کرواوے اے افسوس ناک ھِ ۔۔۔۔غریب بیشک تعداد اچ زیادہ ھن ۔۔۔لیکن اے ممکن ھِ کہ غریب چاھوون تاں امیراں کوں پال سکدن۔۔۔لیکن امیر چاھوون وی تاں غریباں کوں نی پال سکدے۔۔۔کیونکہ انہاں صرف غریباں دی کھٹی کھاون سیکھے ۔۔۔ ایں سال دی آخیر تک بہوں نوجوان ایہو جئے نظر آندے پئن جو اپنڑیں مستقبل دی سوچ رکھیندن تے اے خوش آئند ھِ سوچ رکھنڑی وی چاھیدی ھِ جئیں انسان کول اپنڑی سوچ کینی او جانور توں وی بدتر ھِ اپنڑیں بہتر مستقبل دی سوچ ہر غریب کوں رکھنڑی چاھیدی ھِ تے آپس اچ اتحاد محبت ملنساری پیدا کرنی چاھیدی ھِ اے واحد ذریعے ھِ جیندے نال ہر غریب برسروزگار تھئی سکدے۔۔۔انہاں چیزاں دا استعمال گھٹ کر ڈیو جئیں چیزاں تے 35فیصد توں ودھ ٹیکس وصول کیتا ویندا پئے جیویں کہ ٹیلی کام انڈسٹری ایں ویلے سونے دی چیڑی ھِ جئیں توں وصول تھیون والا ٹیکس تقریبا 35 فیصد ھِ اگر تساں سو روپے دا لوڈ کرویسی تاں ملسی 65 روپے ۔۔ایڈوانس ۔۔۔بیلنس چیک کرن۔۔۔رنگ ٹون لاون ۔۔۔نیٹ استعمال کرن سبھ تے ٹیکس ادا کرنا ہوندے ۔ ایہو جئیا چیزاں دا متبادلہ رستہ اختیار کرو ۔۔۔آخیر اچ اتنا لکھیساں ۔۔۔کہ غریباں دے اپنڑیں ہتھ اچ ھِ کہ بنڑن تاں بن ونجن کوئی بیاء انہاں واسطے کجھ نا کریسی اپنڑیں بالاں کوں لازم تعلیم ڈیو۔۔۔۔اپنڑیں کم کار شروع کرو ۔۔۔۔تاکہ معاشرے اچ بہترین زندگی گزارو۔۔۔ووٹ فروخت نا کرو ۔۔۔جئیں نال ضمیر مطمئن ہووے اوں شخص کو منتخب کرو ۔۔۔۔سبھ توں ودھ اے کہ اپنڑے سینے دے اچ ہر غریب مسلمان بھیرا واسطے درد رکھو تے انہاں دی ہر ممکن مدد دی کوشش کرو ۔۔۔ لازمی نی مدد لکھاں روپے دی ہووے ھک ڈنہوار اگر 20روپے وی ھک پاسے رکھیسو۔۔۔او مہینے دی آخیر اچ 600 روپے بن ویسن تے اُو رقم کہیں غریب مستحق بھیرا دی مدد واسطے استعمال کرولیکن کہیں کوں خیرات دا عادی نا بنڑاو ۔۔۔کہ او گھر بہہ ونجے ۔۔۔کم داعادی رکھو ۔۔۔تاکہ او کم کرے باہر نکلے ۔۔۔کوئی معجزہ ممکن کینی ۔۔۔کوئی مسیحا نی آونڑاں جو غریباں دی فلاح یا مدد کرے ۔۔۔غریب صرف اپنڑی مدد آپ کر سکدے ایندے علاوہ کوئی مدد قابل کینی سوائے اوں پاک ذات دے ۔۔۔ میڈا رب العزت سبھ بھیراں کوں اپنڑیں حفظ و امان اچ رکھے تے حلال رزق عطا فرماوے۔ مسلمان آپس اچ بھیرا ھن تے بطور مسلمان ہوون دے بنیادی اصولاں کوں لازمی یاد رکھنڑاں چاھیدا ھِ اساں مسلمان ھیں ایں واسطے اساں تے زیادہ ذمہ داری ھِ کہ اساں ھک ڈوجہے دی مشکل اچ ھک ڈوجہے دے کم آون ۔۔۔ بلا مطلب بلا رنگ ۔۔۔و تفریق ۔۔۔۔ اللہ پاک اساں کوں نیک رستے تے چلدے رھاون دی ہمت ڈیووے تے چنگی سوچ ھی ہمیشہ چنگے انسان دے دل زندہ کریندی ھِ ۔۔۔ادارہ اساں سرائیکی ویلفیئر آرگنائزیشن غریب مستحق و نادار لوگاں دے بہتر مستقبل دی خاطر جدوجہد کرینداں پئے ادارہ دے نال اپنڑی ذات رجسٹرڈ کرواو جتنے زیادہ بھیرا ھک تھیسوں اتنا جلدی مستحق بھیراواں دی مدد کرن لگ ویسوں۔
تحریر
فیصل شہزاد چغتائی
فیصل شہزاد چغتائی
